俾老豆捉咗去睇牙。。。好邪恶！

 

个牙医（最邪恶嘅医生）睇到我阿妈讲咗句：“你个大女好似你！”，望咗我啲牙，转向我老豆同我老豆讲：“睇啲牙就知係你个仔。。。”（我FXXK！！！！）

 

大二果次手术，妈子竟然同我讲：“你自己唔知嘅咩？自己小心嘛”，完全冇得反驳～两条友都竟然可以将父母应该注意、关心嘅嘢，推俾自己仔女，我算真係服咗！

 

智慧牙都出埋，老豆先来关心我副牙，乜事。。。对牙医讲果句：“成廿几岁，女朋友都冇个。。。”唔会真係原因来吧？？回忆中，老豆只係係几年前车我返学校途中等红灯果时问过我一次有冇拍拖（对家姐同二家姐果啲有意冇意嘅询问，我唔多清楚～～两老一直都唔知我哋三姐妹好尊敬各人隐私！），而妈子就一句都冇问过～～叫我去整牙真正原因，我应该都唔会知（绝对冇打算去问），只係家姐同妈子都反对，话我罗苦来辛，呃，有少少小题大做了，争啲提上家庭会议审议。。。

 

呃。。。係米有少少自讨苦吃？ 

3点半先训，未够7点半就俾老豆拉咗起身去饮茶。。。算，成年冇陪过两位，去咯～～

...

...

去到家姐屋企，哇，BB训醒咗～～YA～～～有得玩啦～最难得嘅係，妈子肯俾我同BB影相～～（摆落电脑一睇，有换手机嘅冲动了。。。）

好似。。。DV仲未买。。。

习惯咗今日嘅事听日做，你话死唔死。。。

 

上图：

 

星期五晚：

     终于第二日唔使加班，希望以后都係啦～～

     晚上过咗去医院睇BB，好难得哋见到佢啱饮饱，妈子同家姐家婆好难得哋唔俾BB训，可以同佢玩啦～～眼仔碌碌好得意！！！

     最开始莫过于见到老豆抱住BB果时果个开心样～～ 

 

星期六：

     同东门一样，以后冇乜事，赛格都唔好上了，人多到。。。

     NoteBook到手～不过，DV仲未有着落，去顺电执部算了。。。

 

星期日：

     一早过咗医院，等家姐拆线，接家姐同BB出院～～

     提前一日，BB终于返屋企了，妈子都唔使咁辛苦了！

 

 仲唔俾影相，郁闷～

係加班同唔加班之间挣扎咗少少时间，最后都係决定做好自己嘢先（虽然冇嘢做），毕竟，太多人堆係病房都唔好咖嘛～～ 

家姐状态比寻日好咗好多，但有少少低烧，但係係正常现象来嘅～

 

去到果时，BB啱饮紧奶，睇住奶樽入边啲奶加速咁消失，觉得好得意（由星期日去买衫仔开始，觉得啲BB嘢都好鬼得意。。。）

睇菲利普一个婴儿监护仪广告果时，睇到电视入边个BB成个手掌先揸到大人一只手指，觉得果个BB实在太细了，但今晚见到BB啱饮饱仲未肯训，眼仔碌碌，摊大只手仔捉住我只手指果时，先发觉，原来BB手掌真係咁细咖。。。

 

因为惊闹，仲未敢帮BB影相，唔係就可以贴出来了，KEEP住佢每个成长过程！（听晚部门聚餐。。。后晚又加班，星期五晚一定要去买DV了，拖咗咁耐。。。）

极度浑噩咁过咗一日，项目终于真係到尾声了，晚上准备落班果时（20：47）接到二家姐电话：细佬，家姐生咗个仔啊，38分果时！

 

LOK讲得啱，预产期呢啲嘢冇可能会准，就咁样 

二零零七年九月三日晚上八时三十八分 邹Yang （仲未确定边个Yang字！）比预期中早咗七日来到咗呢个世界上（我迟咗9分钟先至知，怒！！！）

 

加速执嘢等电梯冲去车站，落车跳上架的士，以最经济最快嘅速度到咗宝安人民医院（呢间嘢好邪恶！），见到BB果时，佢仲未训醒，差少少就6斤重，不过讲唔出个样似边个，哈哈！

听到佢训醒第一次喊（产房果次唔计）、第一次睁开眼、第一次打喷嗤、第一次饮奶，第一次饱佢，感觉好幸福。。。呃，再一次语塞。。。

 

做人舅父了。。。

要努力了～（本来想话更加努力，但好似冇乜努力过）

 

唸下自己一个月工次连部好少少嘅DV都买唔起，好郁闷。。。