如果唔係因为重装咗系统，继而重装咗播放器，我都可能唔会再将五月天嘅歌摆返落播放列表（本人听歌分周期），听到知足、听到咸鱼、听到倔强、听到人生海海，总有种要落泪嘅感觉，或者，呢啲叫共鸣呱～

 

一直以为都认为自己做嘢好深思熟虑，并以此为傲，但最好笑嘅係，无论思得几深，做完之后都总係会后悔～係米好鬼憨居嘅一件事？其实，果啲心口写个勇字，做事完全唔理后果，唸到就去做嘅人，生活会过得好开心～最起码，佢哋係随性而活嘛！其实，我都颇羡慕。。。亦都好想自己可以做到咁，做完先烦，最起码个过程会好好多，或者咯，鬼知咩

 

改咗用咗几年嘅QQ名，改咗用咗几个月嘅签名，冇它嘅，我渴望紧改变，好彻底果只！！唔可以咁落去了。。。

 

（袁玮要走了，其实我几想叫佢一句师傅，毕竟，係啲咁恶劣嘅工作环境底下，冇几个人真係用心去教新仔做嘢。。。一个女仔冇人冇物，係深圳做咗5年嘢，其实我都几佩服佢嘅勇气！佢要走，竟然会有一幅画面浮现係我脑海入边：黄昏，一个人，背起一个行囊，孤伶伶咁走咗，响起无间道，王sir俾人扔落楼嘅音乐。。。虽然好衰，但我真係觉得佢係一个失败者，做咗5年，一啲收获都冇，就咁就走咗。。。我惊。。。我惊佢会係我嘅将来。。。）

 

要谋下出路了。。。

 

最起码要做嘅，跳出框框，唔好束缚自己！YA～！！！！

成日懒懒闲，冇所事事，当然，亦都冇乜心思理下呢度，等佢生草咯，如果啲草生得靓，罗去卖都未尝唔係一件好事～係米？

 

过过下，07年都过咗就来21周了，点啊，越来越老了，仲一事无成，开始等死咩。。。

 

睇住一个个唸住离开，係米要好认真考虑一下将来？（我冇考虑咩？定我唔够认真？都唔係啊。。。）

 

係咁俾人话我循入空门，其实我想咖，起码，可以清晒所有烦恼嘅嘢。。。

 

呃。。。

完！