February 26
早上仲係床度同周公打紧麻将，听到阿妈用吵到拆天嘅声来讲电话。。。心唸，应该唔关我事，继续训。。。N秒后，阿妈同临出门嘅二家姐讲咗句：同你老豆讲，大伯父过咗身了。。。
叫我点样相信，一个无病无痛，身体健康，行得走得，心情开朗嘅只有78岁嘅老人家，一夜之间无端端就咁离开咗。。。世事，真係会难料到咁？？？
下昼听二家姐话，老豆车佢出去果时，一边揸车一边强忍泪水。。。唔够一年时间入边，姑妈同大伯父嘅相继离去，对老豆来讲真係一件沉重嘅打击，毕竟，6姐弟，只得返老豆同三伯父两个。。。
唔知道有乜嘢可以表达宜家嘅心情，可能，宜家连我自己都唔了解自己了
唯一觉得安慰，大伯父係寿终正寝，走得好安详，只不过，早走咗一段时间，一段好难令人接受嘅时间。。。
-------------------------------------------------
今日大年初九了，BB唔见咗9日，我知道，已经冇可能会再揾得返佢，只係好希望，有人收留咗佢，而唔係变成一个毫冇觅食能力嘅傻狗。。。傻狗。。。我好挂住你啊。。。
-------------------------------------------------
呢个年。。。
过得好唔开心。。。
Tools 
Help
